ინდური ბიჟუტერია ტყვიით მოწამვლას იწვევს
ბიჟუტერია შეიცავს ტყვიას, რომელიც ორგანიზმს წამლავს. ასეთი დასკვნა გამოიტანა ორგანიზაცია Toxic Link-მა ცოტა ხნის წინ ჩატარებული გამოკვლევის საფუძველზე. როგორც ერთ-ერთმა მკვლევარმა განაცხადა, ტყვიას უმთავრესად ის საღებავები და პიგმენტები შეიცავს, რომლებითაც ბიჟუტერიას ღებავენ. სპეციალისტებმა დელის მაღაზიებში რანდომული პრინციპით შერჩეული 54 სახეობის ბიჟუტერია გამოიკვლიეს და დაადგინეს, რომ მათში ტყვია დადგენილ ნორმასთან შედარებით საგრძნობლად მეტი იყო. მკვლევართა ჯგუფმა ეს მონაცემები ინდოეთის ჯანდაცვის სამინისტროში გააგზავნა.