მტვერი კანცეროგენებისა და სხვა მავნე ნივთიერებების წყარო აღმოჩნდა
მათ შორის არის ფტალატები - ამ ნაერთებს შეიძლება შეიცავდეს საკვების შესაფუთი მასალა, თმის ლაქი, კოსმეტიკა და საპონი. ფტალატებმა შეიძლება გამოიწვიოს ასთმა, ყურადღების დეფიციტის სინდრომი და ადრეული მენოპაუზა. აღნიშნული ნაერთები ხვდება ჰაერში და შემდეგ ილექება მტვერში.
მეცნიერებმა მტვერში ათეულობით ტოქსიური ნივთიერება აღმოაჩინეს. ყველაზე მეტი აღმოჩნდა ფტალატები
(DEHP), მეორე ადგილზე ფენოლებია (შეიძლება აღმოვაჩინოთ პლასტიკატში), მესამეზე კი წვის შემაფერხებელი ნივთიერებები.
აღნიშნული ნივთიერებები შეიძლება მოხვდეს ფილტვებში ან შეაღწიოს კანიდან. პატარა ბავშვები, რომლებიც იატაკზე ხოხავენ, განსაკუთრებული საფრთხის წინაშე არიან.
კვლევების თანახმად, დალაგებისათვის გამოსაყენებელი საშუალებების, სამომხმარებლო ნივთების, ჰიგიენის საშუალებების, სამშენებლო მასალებისა და ინტერიერის საგნების წარმოებაში 45 პოტენციურად ტოქსიური ნივთიერება გამოიყენება.
ლალი ჩხიკვაძე