პირველი მსოფლიო ომის დროინდელი წამალი, შესაძლოა, ინფექციის სამკურნალო უნივერსალურ საშუალებად იქცეს
როგორც აღმოჩნდა, აკრიფლავინი იმუნიტეტს ააქტიურებს. ის უერთდება უჯრედულ დნმ-ს, რაც იწვევს ბაქტერიებისა და ვირუსების გამანადგურებელ მძლავრ იმუნურ პასუხს.
პირველად აკრიფლავინის ანტისეპტიკურ თვისებებზე გერმანელებმა 1912 წელს დაიწყეს საუბარი. ისინი იყენებდნენ მას ადგილობრივად ჭრილობების დასამუშავებლად. ასევე, აკრიფლავინით მკურნალობდნენ ბევრ დაავადებას - გონორეადან დაწყებული, შარდგამომყოფი სისტემის ინფექციებით დამთავრებული.
აკრიფლავინს ორმაგი მოქმედება ახასიათებს. ერთის მხრივ ის თავად პათოგენზე მოქმედებს, მეორეს მხრივ, ააქტიურებს იმუნიტეტს ქიმიური გზის STING-ის საშუალებით.
ახლახან ჩატარებული კვლევების საფუძველზე, ფილტვის უჯრედების აკრიფლავინით დამუშავება მათ რინოვირუსისგან იცავდა. მეცნიერები დარწმუნებულები არიანი, რომ აღნიშნული ნაერთი უფრო საშიშ ინფექციებთან გამკლავებასაც შეძლებს.
ლალი ჩხიკვაძე