რუბრიკები
ოჯახის მკურნალი
კითხვა-პასუხი
საზამთროს დიეტა
საზამთროს დიეტა
დღეს ძალიან პოპულარულია საზამთროს მონოდიეტა. ეს ის დიეტაა, რომლის დროსაც წონის დასაკლებად მხოლოდ საზამთროთი იკვებებიან. საზამთროს დიეტა საკმაოდ მკაცრი დიეტაა. ძირითადად სამ დღეს გრძელდება. თუ ჯანმრთელობის მდგომარეობის გაუარესება არ შეინიშნება, შესაძლოა 5 დღესაც გაგრძელდეს. როგოც დიეტოლოგები აცხადებენ, ასეთი რაციონის დღიური კალორიულობა 1330 კალორიას შეადგენს, ადამიანი კი სულ რაღაც 3 ან მაქსიმუმ 5 დღეში 3-5 კგ-ს იკლებს წონაში. 

როგორ უნდა დაიცვათ საზამთროს მონოდიეტა

აღნიშნული მონოდიეტის დროს სხეულის მასის ყოველ 10 კგ-ზე ერთი კგ საზამთრო უნდა მიირთვათ. არავითარ შემთხვევაში სხვა პროდუქტები. საკვების მიღების საათებს რაც შეეხება, საზამთროთი დღის განმავლობაში ნებისმიერ დროს შეგიძლიათ ჩაიტკბარუნოთ პირი, როგორც კი შიმშილის გრძნობა შეგაწუხებთ. არ იზღუდება სასმელი წყლის მიღება, სამაგიეროდ მკაცრად არის აკრძალული ალკოჰოლის, გაზიანი და კოფეინის შემცველი სასმელები.

რა უნდა გაითვალისწინოთ

დიეტის მოყვარულებს საზამთროს დიეტა, ჩვეულებრივ, უფრო ადვილად გადააქვთ, ვიდრე სხვა მონოდიეტები. საქმე ის გახლავთ, რომ საზამთრო მდიდარია უჯრედისით, რომელიც დანაყრების შეგრძნებას საკმაოდ კარგად ავითარებს და ადამიანს შიმშილის გრძნობა დიდი ხნის განმავლობაში არ აწუხებს. საზამთროს კარგად
გამოხატული შარდმდენი ეფექტი აქვს, შესაბამისად, წონის დაკლება ძირითადად სწორედ სითხის გამოძევების საფუძველზე ხდება. ისინი, ვისაც საზამთროს მონოდიეტის ავ-კარგი საკუთარ თავზე გამოცდილი აქვს, ამტკიცებენ, რომ სულ რაღაც 3-5 დღეში მუცლისა და ბარძაყების გარშემოწერილობა საგრძნობლად მცირდება. დიეტის კიდევ ერთი უპირატესობა გახლავთ ის, რომ მას ერთგვარად გამწმენდი ფუნქციაც აქვს - ორგანიზმიდან წიდები და ტოქსინები გამოაქვს.
საზამთროს დიეტა უკუნაჩვენებია მათთვის, ვისაც საშარდე სისტემის ესა თუ ის პათოლოგია აწუხებს (პიელონეფრიტი, ცისტიტი, განსაკუთრებით გამწვავების სტადიაში, შარდ-კენჭოვანი დაავადება და სხვ.). საზამთროს მონოდიეტის ერთ-ერთ მანკიერებაა ისიც, რომ ემოციური ფაქტორიდან გამომდინარე ყველას არ შეუძლია შიმშილის გრძნობასთან გამკლავება და ერთფეროვან საკვებ რაციონთან შეგუება. ისიც აღსანიშნავია, რომ საზამთროს მონელება ბევრს უჭირს, ამიტომაც მონოდიეტა მალევე უნდა შეწყვიტონ იმ პირებმა, ვისაც მუცლის არეში სიმძიმის შეგძრნება, მეტეორიზმი ან სხვა სახის დისკომფორტი შეაწუხებს. ასეთი სიმპტომები, ჩვეულებრივ, დიეტის პირველ დღეებში ვლინდება. თუ აღნიშნულ სიმპტომებს ულუფის შემცირება ვერ აღმოფხვრის, სასურველია მონოდიეტა შეწყდეს!

თინათინ გოცაძე

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მეცნიერების აზრით, ყოველდღიურად ჩაის მიღებისას დემენციის რისკი 50%-ით მცირდება. „დემენციის გენის“ არსებობისას კი ტვინში ტოქსიური ნადებების წარმოქმნის ალბათობა 86%-ით მცირდება. აღსანიშნავია, რომ შავი და მწვანე ჩაი ტვინისთვის ერთნაირად სასარგებლოა.
რედაქციაში ბევრი წერილი შემოდის, როდესაც მკითხველს აინტერესებს როგორ მოიშორონ კოჟრები. გეტყვით, რომ აფთიაქებში იყიდება კოჟრის (ე.წ. "მაზოლის") საწინააღმდეგო "პლასტირები". მის გამოყენებამდე უნდა გაიკეთოთ თბილი წყლის აბაზანა, შემდეგ კარგად გაიმშრალოთ ის ადგილი, სადაც კოჟრი გაქვთ
იაპონია მოსახლეობის დღეგრძელობის კუთხით მსოფლიო ლიდერის პოზიციებს კარგავს. მას მალე სამხრეთ კორეა გადაასწრებს. ჯანდაცვის მსოფლიო ორგანიზაციამ გადახედა თავის პროგნოზებს და მნიშვნელოვანი ანალიზი გაუკეთა 35 განვითარებულ ქვეყანაში სიცოცხლის ხანგრძლივობის მაჩვენებლებს.
17 მაისი 2017
ამერიკელ მეცნიერთა განცხადებით, დაბერების პროცესი 39 წლიდან იწყება. ამ ასაკიდან ადამიანის გონებრივი შესაძლებლობები რამდენადმე სუსტდება, ირღვევა საყრდენ-მამოძრავებელი აპარატის ფუნქციაც.
27 აპრილი 2017
მამაკაცები, რომლებსაც ქრონიკული შფოთვა აღენიშნებათ, 2-ჯერ უფრო ხშირად ავადდებიან ონკოლოგიური დაავადებებით, ვიდრე ის პირები, რომლებსაც ფსიქიკური დარღვევები არ აწუხებთ. ამაზე მეტყველებს კემბრიჯის უნივერსიტეტის მეცნიერთა მიერ მიღებული კვლევის შედეგები.
აშშ-ის რამდენიმე შტატში ჩატარებული გამოკითხვით გაირკვა, რომ დასაქმებულთა ნახევარზე (60 %-ზე) მეტი სამუშაო დღეების ყველაზე დიდ მინუსად მიღებულ სტრესს ასახელებს. გამოკითხულთა 25 %-ს მიაჩნია, რომ ჯანმრთელობაზე ნეგატიურ გავლენას სამუშაო პირობები ახდენს.
ალკოჰოლის მოხმარება მრავალი დაავადების პროვოცირებას უწყობს ხელს. ეთანოლის გარდა, ალკოჰოლური სასმელების შემადგენლობაში შეიძლება სხვა მავნე ნივთიერებებიც იყოს. განსაკუთრებით საყურადღებოა, ზოგიერთი სახეობის სპირტიან სასმელში, შაქრის მაღალი შემცველობა, რაც ტიპი 2 შაქრიანი დიაბეტის განვითარებას იწვევს.
რეგულარულ ვარჯიშს რომ უდიდესი მნიშვნელობა აქვს ორგანიზმის ჯანმრთელობის, ნერვული სისტემის განმტკიცების, ახალგაზრდობის შენარჩუნებისა და სიცოცხლის გახანგრძლივებისთვის, ყველამ კარგად იცის. ვარჯიშის მოყვარულ ფიზიკურად აქტიურ პირებს ბევრ გამორჩეულ ნიშანთან ერთად კუნთოვანი სისტემა და კანიც უფრო ჯანსაღი აქვთ.